Kreu i Lidhjes Demokratike të Kosovës, Isa Mustafa, ka thënë se në rast se Gjykata Kushtetuese do të vendos në favor të kërkesës së Lëvizjes Vetëvendosje sa i përket kërkesës për caktimin e masës së përkohshme, atëherë një vendim i tillë do të respektohet.
Në një konferencë për media bashkë me Avdullah Hotin, Mustafa ka theksuar që nëse kjo ndodh nuk do të bëhet asnjë lëvizje drejt mbajtjes së seancës, derisa të merret një vendim final rreth ankesës së Lëvizjes Vetëvendosje po ashtu se do të respektohet çdo vendim i Gjykatës Kushtetuese.
Gjithashtu Mustafa tha se askush tjetër përveç Gjykatës Kushtetuese nuk ka të drejtë të shtyjë seancën e Kuvendit që është thirrur për të shtunën. Kujtojmë se Vetëvendosje ka kërkuar pezullim të përkohshëm të mandatit të Presidentit.
