Vitet e fundit spitali i Bulqizës është kthyer në një qendër shëndetësore, pasi nuk ka mjekë të specializuar për urgjenca apo sëmundje të ndryshme.
Banorët e zonës janë detyruar të udhëtojnë drejt spitaleve të Peshkopisë, Burrelit ose në Tiranë. Ndërkohë që për rastet urgjente përdoret helikopteri.
Të aksidentuarit apo rastet e tjera urgjente transportohen nga ajri drejt Tiranës pasi në spitalin e Bulqizës nuk mund të marrin ndihmën e nevojshme mjekësore.
Një prej banorëve të zonës thotë për TCH se është e domosdoshme që spitali të jetë funksional dhe me kapacitet të plotë nisur nga rastet e aksidenteve që ndodhin edhe në miniera.
“Ne që punojmë në minierë, gjejmë një specialist, por punëtorët andej nuk gjejnë asnjë mjek. Rastet më të vështira i sjellin këtu dhe i transportojnë në Tiranë. Gjithë kjo minierë dhe gjithë këto mjekë këtu gjynah mos me pas mjekë”, thotë një banor i zonës.
