Emergjencat Civile: Po punohet për zbllokimin e tyre
Në Tropojë dhe Kukës disa zona janë ende të bllokuara nga dëbora dhe ngricat si pasojë e motit të keq. Ndërsa rrugët kombëtare në Kukës dhe Has janë të kalueshme pa zinxhirë.
Në Bashkinë e Kukësit është e bllokuar Njësia Administrative Arrën me të gjitha fshatrat. Është bllokuar fshati Turaj, Njësia Adminstrative Topojan. Është bllokuar fshati Shtrezë, Njësia Adminstrative Shishtavec. Është bllokuar fshati Nimçe e Njësia Adminstrative Zapod.
Të bllokuara gjithashtu janë dhe fshatrat Curraj i Epërm, Salcë, Palcë e Gjonpepaj të Treshnjevës, Papaj, Gegaj dhe Tropojë e Vjetër.
Sipas Shtabit të Emergjencave po punohet për hapjen e rrugës për lidhjen e fshatrave me qendrën.
