Kryeopozitari Lulzim Basha ka komentuar nga Korça ku po zhvillon një takim dy-ditor, vendimin e Presidentit Ilir Meta për të mosdekretuar gjeneralin Sandër Lleshi si ministër i Brendshëm.
Sipas tij, Meta ka kompetenca që ia njeh kushtetuta ndërsa ka komentuar edhe mesazhin që Rama u dërgoi dje deputetëve të PS.
“Presidenti ka kompetencat e tij kushtetuese dhe jam i sigurt që ai do të japë të gjitha për aspektin kushtetues për dekretin e ministrit të Brendshëm të propozuar nga Rama. Një gjë është e sigurt, që lëvizja e ashpër nuk është lojë shahu. Është dhe do të jetë vetë largimi i kryeministrit Rama. Vendi është pa kryeministër, pa gjykatës, pa prokurori. Përgjegjësi për këtë, është se qeveria është kthyer në një organizatë kriminale dhe përgjegjësia ngelet mbi Ramën”, është shprehur Basha.
