Një sherr ka ndodhur mes një grupi shqiptarësh dhe një grupi grekësh në Pyrgos të Greqisë. Sherri ka ndodhur në një lokal në rrugën Karaiskaki dhe shkak është bërë përdorimi i gjuhës shqipe.
Ilialive.gr raporton se shqiptarët ishin duke pirë kafe, kur djali i pronarit grek u tërhoqi vërejtje se po i shqetësonte duke folur shqip. Pas debatit të parë verbal, fjalët i kanë lënë vend përplasjes së dhunshme.
Shqiptarët janë bërë bashkë me një bashkëkombasin e tyre dhe kanë rrahur pronarin e lokalit, i cili është dërguar me urgjencë në spital. Policia greke ka arrestuar një nga autorët shqiptarë të ngjarjes.
