Deputeti i Partisë Demokratike, Ervin Salianji teksa ka folur për moratoriumin e gjuetisë të miratuar nga qeveria në Kuvend. Sipas tij, shteti duhet të shqetësohet më shumë për “gjuetia e njerëzve”, duke iu referuar rastit të masakrës së Fushë-Krujës. Salianji tha se, ngjarje të tilla të rënda po vijnë në rritje për shkak se policia nuk heton dinamikat dhe nuk vë para drejtësie fajtorët. Deputeti evidentoi se në të gjitha rastet e fundit ka rezultuar se autorët apo edhe viktimat kanë qenë perona me precedent të mëparshëm penal, por i kanë shpëtuar drejtësisë me korrupsion.
“Të bëhemi bashkë dhe të ndalojmë gjuetinë e njerëzve, duke çliruar mijëra punonjës të policisë së shteti që e bëjnë punën me nder, që janë nën kërcënimin e bandave kriminale që ulen, hanë dhe pinë me drejtues të Partisë Socialiste dhe vendosin edhe administratën. Pyet njeri nga këta që vrasin njerëz për moratoriumin e qeverisë që ndalon të vrasin zogj. Policia nuk zbardh as krimet pasi ndodhin, por si agjenci funeralesh thotë u dogj makina aty dhe u vra ky filani aty.
Si ka mundësi që të gjithë emrat që bëjnë krim në Shqipëri janë të përfshirë në veprimtari kriminale si blerje votash, intimidim të votuesve. Çdo person që del në kronikën e zezë të Shqipërisë janë njerëz që kanë punuar me qeverinë, që i vënë çmim kujtdo. Edhe këtu edhe jashtë siç ndodhi vrasja e Fushë-Krujës i vënë çmim cilindo”, u shpreh Salianji.
Ndër të tjera, mes ironi ai theksoi se, shoqatat e Gjuetisë duna që të mos jetë monopol. Por sot u vendos që të jetë monopol i qeveritarëve. E dinë të gjithë që gjuetia vazhdon për ata që kanë pushtet në këtë vend dhe dyfeku kërcet kudo.
