Avlaro Morata ka deklaruar se po të mos bëhej fjalë për marrëveshje kontraktuale ai nuk do të ishte larguar kurrë nga Juventusi.
“Nëse nuk do ekzistonin marrëveshjet kontraktuale nuk do isha larguar kurrë nga Juventusi, dhe nga Italia. Italia është vendi perfekt për një spanjoll për të jetuar, ndërsa Juventusi është klubi që ka gjithçka, mentalitetin fitues dhe profesionalizmin. Në Torino erdha si një djalosh i ri dhe shumë shpejt u largova si nje profesionist.
Në Madrid me mungoi respekti. Drejtuesit më trajtonin njëlloj si në kohën para se të shkoja tek Juventusi, prandaj vendosa të largohem për tek Chelsi, ku do rigjeja Conten dhe kishte shumë spanjollë në skuader dhe përshtatjen nuk do e kisha të vështirë.
Tani aktualisht jetoj në qendër të Londrës, në zonën e Chelsit, por nuk besoj se do jetoj shumë kohë në Angli, është një metropol shumë i madh dhe s’më pëlqen.
E përsëris që Italinë e dua, Venezia është një qytet i mrekullueshëm që më dhuroi edhe gruan time kështu që i jam mirënjohës”, është shprehur Morata.
