Shefja e politikës së jashtme të Bashkimit Evropian, Federica Mogherini, tha se vendet anëtare të bllokut nuk do ta njohin Jerusalemin si kryeqytet të Izraelit përpara statusit final me marrëveshjen e paqes.
Ajo i bëri këto komente pas takimit me kryeministrin e Izraelit, Benjamin Netanyahu, në Bruksel, i cili u bëri thirrje vendeve të BE-së të ndjekin shembullin e Shteteve të Bashkuara.
Mogherini tha se BE do të vazhdojë të njohë “konsenusin ndërkombëtar” mbi Jerusalemin, raporton rel.
“Ju e dini qëndrimin e Bashkimit Evropian. Ne mendojmë se zgjidhja e vetme reale për konfliktin midis Izraelit dhe palestinezëve bazohet në dy shtete dhe me Jerusalemin si kryeqytet të Izraelit dhe të Palestinës”, tha Mogherini.
