Mjeku Ermal Xhaho foli për situatën e koronavirusit në Gjermani, ku edhe jeton që është një ndër vendet po ashtu të prekura, por ka vdekshmërinë më të ulët.
Sipas tij, kjo shpjegohet për faktin se në Gjermani nisi shumë herë testimi masiv dhe kjo ndikon në ndalimin dhe përhapjen e virusit.
“Është shifër relativisht e vogël. Testimi agresiv është një masë e mirë parandaluese e vërtetuar, ndaj edhe Gjermania e ka fokusin shumë të lartë te kjo pjesë. Këtu shmangen infektimet e reja. Pra një person që diagnostikohet në fazën e hershme pa pasur simptoma duke qenë se ka qenë në kontakt me dikë tjetër, ose në simptoma të lehta mund të testohet, mund të shmangë edhe testimin e shumë personave të tjerë”, u shpreh ai.
Pjesë nga intervista:
Situata ende në Gjermani është e qetë, nuk ka panik nëpër spitale. Duket se janë shfaqur efektet e para të masave të marra së fundmi.
Gjermania nuk është se nuk ka të infektuar, por vdekshmëria është shumë e ulët. Si shpjegohet një gjë e tillë?
Nga ana e terapisë dhe nga sistemi i numrit të lartë të renimatorëve nuk ka të bëjë ende. Gjermania nisi në fazë shumë të hershme testimin dhe aty ku testohen shumë, aty edhe vdekshmëria ngelet e vogël.
Çfarë ndodh nëse ne bëjmë testime masive? Sepse Shqipëria u bë një muaj e ca që merremi me këtë punë dhe 3500 teste ka bërë.
Është shifër relativisht e vogël. Testimi agresiv është një masë e mirë parandaluese e vërtetuar, ndaj edhe Gjermania e ka fokusin shumë të lartë te kjo pjesë. Këtu shmangen infektimet e reja. Pra një person që diagnostikohet në fazën e hershme pa pasur simptoma duke qenë se ka qenë në kontakt me dikë tjetër, ose në simptoma të lehta mund të testohet, mund të shmangë edhe testimin e shumë personave të tjerë. Kapja në fazë të hershme do të thotë edhe ndalimin e infektimeve, sidomos edhe në mosha të larta. Masat e rrepta për moshat e larta janë dhënë që në moshat e hershme. Interesante është tani që nga data 27 mars ka filluar edhe testimi i antitrupave në gjak. Me anë të testit serologjik zbulohen edhe pacientët që e kanë kaluar sëmundjen dhe nuk kanë qenë në dijeni. Pra pacientë që janë për njëfarë kohe imun ndaj kësaj sëmundje. Në bazë të këtij testi do të zhvillohet edhe një studim prej 15000 pacientësh, duke vlerësuar edhe imunitetin e popullsisë.
Një pacient që nuk e dinte, por e ka kaluar këtë nuk është më rrezik për përhapjen e infeksionit dhe mund të vazhdojë jetën normalisht apo jo?
Varet në çfarë stadi, çfarë lloj antitrupash ka. Në fazën e fundit nuk është më infektiv.
/abcnews.al
