Prof. Guido Silvestri në Universitetin Emory në Atlanta, një nga themeluesit e Paktit për Shkencë, është ndër mjekët e përfshirë në vijën e parë në Shtetet e Bashkuara për studimin e Covid-19.
Ai e quan virusin vdekjeprurrës si “të pashpresë” dhe tregohet shpresëplotë duke thënë se bota do të arrijë ta studiojë e ta “neutralizojë” atë.
“Unë mendoj se, ndryshe nga HIV – një armik jashtëzakonisht më i fshehtë që në tridhjetë vjet ka shkaktuar 35 milion vdekje dhe për të cilin ende nuk kemi as një kurë përfundimtare dhe asnjë vaksinë – SARS-CoV-2 është një virus i paaftë për tu fshehur (në terma teknik: të integrimit të vetvetes në gjenomin e bujtësit) dhe jo shumë i mirë në mutacion, pra mbetet shumë më i prekshëm nga reagimi imunitar i hostit. Pra, nëse fatkeqësisht është e pashmangshme që COVID-19 do të shkaktojë ende shumë vdekje në javët e ardhshme dhe ndoshta muajt, është edhe më e qartë se virusi së shpejti do të MUNDET nga aftësia jonë për ta studiuar dhe neutralizuar atë.
Barnat e reja antivirale testohen vazhdimisht (vëmendja * ndaj EIDD-2801) dhe në të njëjtën kohë ilaçe që bllokojnë përgjigjen hiper-inflamatore e cila është baza e ndërlikimeve më serioze të mushkërive (vëmendja * ndaj baricitinib). Antitrupat monoklonalë neutralizues janë zhvilluar për përdorim terapeutik gjatë studimit të efektit shërues të plazmës së pacientëve “të shëruar”. Disa kandidatë për vaksina testohen në modelet e kafshëve dhe së shpejti do të kalojnë në fazën klinike. Specialistët e sëmundjes infektive, pulmonologët etj janë duke bërë më të mirën në menaxhimin e komplikimeve të rënda të COVID-19”, shprehet Prof.Silvestri.
