Në këtë kohë ku vëmendja maksimale është e përqendruar tek të prekurit me Covid-19 nga ana tjetër duket se janë lënë mënjanë shumë pacientë të tjerë që vuajnë nga sëmundje të ndryshme sidomos ata me tumor.
Mjekja kirurge, Lida Shosha nëpërmjet një postimi në rrjetet sociale shkruan se tumoret po bëjnë kërdinë dhe së fundmi po shfaqen raste të reja në moshë, dhe më problematikë janë ato nëpër rrethe të cilët për shkak të kufizimit të lëvizjes e kanë të vështirë të adresojnë problemin dhe të marrin shërbimin e duhur.
“Ana tjeter e errët e medaljes. Tumoret po bëjnë kërdinë. Absolutisht, nuk duhet të mënjanohet vëmendja ndaj kësaj kategorie të super rrezikuar për jetën. Të gjitha rastet që kam konsultuar këto kohe, e para më thonë që në rrethe e kanë të vështirë të marrin shërbimin e duhur, e dyta vetë ata kanë neglizhuar me simptomat, e aq më tepër që tashmë janë të kufizuara lëvizjet e kjo frenon më shumë adresimin në spitale në kohë, kur vijnë, është vonë. Po shohim shumë mosha të reja, gjithashtu.
Radiologët konstatojnë që rastet janë ekstreme përsa i përket agresivitetit tumoral në stadifikim. Dr Albana sot me tha: “Po aman o Lida, këto rastet e tua janë tmerre, po ç’t’u bëj unë, kështu vijnë…”. Spostimi i vëmendjes ndaj kësaj kategorie në këto momente, po i penalizon me humbje të jetës së tyre.
Heartbreaking Krukenberg Tumor shumë i avancuar në momentin e paraqitjes në spital”, shkruan Shosha.
Investitorët strategjikë po cenojnë pronat e qytetarëve –
Eksperti i ekonomisë, Arben Malaj, i ftuar në “Oponencë”, ka denoncuar kontratat e PPP-ve, që sipas tij janë preferenciale duke...
