Kryeministri grek Kyriakos Mitsotakis deklaroi se vaksinimi në vendin tonë po përparon me një ritëm të kënaqshëm deri më sot. Ai shtoi se do të rritet shkalla e vaksinimit.
Gjithashtu Mitsotakis tha se deri më sot janë vaksinuar gjithsej 27,000 qytetarë, dhe shtoi se nga dita e hënë, do të nisë vaksinimi i kategorisë së dytë, të personave mbi 85 vjeç.
“223 linja vaksinimi janë duke u zhvilluar në spitalet tona. Shkalla ditore e vaksinimit do të rritet nga rreth 5,000 në ditë në rreth 8,000, ndoshta pak më shumë. Ne investojmë, siç thashë, në transparencë dhe llogaridhënie dhe në platformën emvolio.gov.gr, vaksinimet që janë kryer në të gjithë territorin dhe në secilën njësi rajonale të vendit postohen çdo ditë pak para orës 18:00”, tha ai.
Aktualisht numri total i infektimeve ka shkuar 142,777, ndërkohë numri i viktimave është 5,146 në të gjithë vendin që nga fillimi i pandemisë. Vaksinimi në Greqi ka nisur më datë 27 dhjetor, ashtu si në shumë vende të tjera të BE.
