Që me konfirmimin e rasteve të para, rreth koronavirusit kanë qarkulluar shumë mite. Për këtë arsye, ekspertët e shëndetit kanë sugjeruar gjithmonë që këshillat të merren vetëm nga burime zyrtare.
Disa ditë më parë mediat në Iran u raportuan qindra viktima si pasojë e një metode “toksike” për t’u mbrojtur nga COVID-19.
Në rrjetet sociale patën qarkulluar fjalë që metanoli mund t’i mbrojë njerëzit ose t’i kurojë nga virusi dhe për këtë arsye njerëzit kishin nisur ta pinin. Këto informacione të pavërteta kanë shkaktuar shumë viktima.
Një tjetër mit rreth koronavirusit: “Nëse arrin ta mbash frymën për 10 sekonda (ose më shumë) pa u kollitur apo pa ndjerë diskomfort do të thotë që nuk je i sëmurë me koronavirus”.
Këtë mit e ka hedhur poshtë Organizata Botërore e Shëndetësisë.
Më një postim në Twitter, OBSH sqaron: “Mbajtja e frymës për 10 ose më shumë sekonda pa u kollitur apo pa ndjerë shqetësim, NUK DO TË THOTË se nuk ke #coronavirus apo ndonjë sëmundje tjetër mushkrishë”.
Më tej, OBSH thekson se mënyra më e mirë për ta marrë vesh nëse je apo jo i infektuar me koronavirus është bërja e testit.
FACT: Being able to hold your breath for 10 seconds or more without coughing or feeling discomfort DOES NOT mean you are free from the #coronavirus disease or any other lung disease.
👉🏽https://t.co/TdKoGmWrIr #COVID19 #KnowTheFacts pic.twitter.com/0Sd7yUqwts
— World Health Organization (WHO) (@WHO) March 29, 2020
