Miratohet paketa 40 mld dollarë në senatin e SHBA-së për Ukrainën

0
69

Senati i Shteteve të Bashkuara të Amerikës ka miratuar afro 40 miliardë dollarë si paketë ndihme për Ukrainën që nga pushtimi i Rusisë. Paketa përfshin gjithashtu ndihmën ushtarake, ekonomike dhe humanitare dhe u votua me 86 vota pro dhe 11 vota kundër.

Nga ana tjetër, projektligji synon të lirojë një injeksion fondesh që janë të nevojshme në mënyrë urgjente. Sekretari i Shtetit Antony Blinken dhe sekretari i Mbrojtjes Lloyd Austin kishin paralajmëruar më parë se fondet e autorizuara për dërgimin e armëve në Ukrainë do të mbaronin sot dhe projektligji ishte i vonuar në Senat.

Paketa përfshin: 6 miliardë dollarë për ndihmën e sigurisë, duke përfshirë trajnimin, pajisjet, armët dhe mbështetjen.

8.7 miliardë dollarë për të rimbushur stoqet e pajisjeve amerikane të dërguara në Ukrainë.

3.9 miliardë dollarë për operacionet e Komandës Evropiane.

9 miliardë dollarë për një fond mbështetje ekonomike për Ukrainën.

5 miliardë dollarë për të trajtuar pasigurinë ushqimore globale.

Ai shkon pranë Presidentit Biden për t’u nënshkruar në ligj.