Një pacient 90-vjeçar nga Tirana ka humbur jetën te spitali Infektiv nga koronavirusi.
Ministria e Shëndetësisë ka njoftuar se numri i viktimave në vend nga Covid-19 ka shkuar kështu në 48. Mëngjesin e sotëm humbi jetën edhe një 34 vjeçare, duke shënuar viktimën më të re në moshë në vend.
Njoftimi i plotë:
Ministria e Shëndetësisë: Ndërron jetë pacienti 90-vjeçar, vuante nga disa sëmundje
Një pacient 90 vjeçar nga Tirana ka ndërruar jetë në spitalin infektiv në QSUT, i prekur nga COVID19, me disa sëmundje bashkëshoqëruese silikoza, hipertension.
Ministria e Shëndetësisë i shpreh ngushëllime familjes së të ndjerit dhe i rikujton qytetarëve rëndësinë që ka respektimi i masave mbrojtëse për të kufizuar përhapjen e COVID19.
Nga fillimi i epidemisë, 48 qytetarë e kanë humbur betejën me COVID19, pavarësisht përpjekjeve të stafeve mjekësore dhe terapive të mjekimit.
