Qeveria e Maqedonisë së Veriut njofton qytetarët lidhur me protokollin që po ndiqet për të kuruar të gjithë të prekurit nga koronavirusi.
Ministri i Shëndetësisë, Venko Filipce gjatë konferencës për shtyp tha se Komisioni i Etikës ka marrë vendim që për pacientët e sëmurë me koronavirus të nisë kura me mediamentet: klorikinë dhe azitromicinë.
Kjo kurë, sipas tij, është përdorur kryesisht për të parandaluar dhe për të trajtuar malarien, ndërsa azitromicina është një antibiotik që përdoret për trajtimin e një numri infeksionesh bakteriale. Të dyja janë përdorur në Kinë dhe kanë dhënë efekt, pasi tanimë Kina është thuajse plotësisht e çliruar nga pandemia.
“Nga detyrimet doganore do të përjashtohen dezinfektuesit, maskat mbrojtëse dhe doreza, syzet dhe pajisjet e tjera mbrojtëse”, tha drejtori i Administratës Doganore, Gjoko Tanasoski.
