Ministri i Mbrojtjes së Greqisë, Panos Kamenos ka reaguar pas deklaratave të Kryeministrit Rama për Çamërinë.
Kamenos shprehet se “Deklaratat e fundit nga Rama duhet të sjellin përsëri në kujtesën tonë se ata për të cilët ai flet ishin bashkëpunëtorë të nazistëve.
Ne nuk do të pranojë sfida të tilla, ne nuk do të pranojë raporte të tilla, të cilat infektojnë dhe historinë dhe të drejtën ndërkombëtare”.
Provokimet e Greqisë nuk kanë mungur edhe javët me parë pasi Ministri i Mbrojtjes së Greqisë, Panos Kamenos soli një grup ushtarësh dhe shefin e Shtabit të Përgjithshëm në kufij për të zhilluar një aktivitet ushtarak.
Duke folur për deklaratat e presidentit turk, Rexhep Taip Erdogan, i cili ka kërkuar shfuqizimin e traktatit të Lozanës, ministri nga Molyvdoskepasti tha se deklarata të tilla janë të papranueshme dhe se ato bëhen për konsum të brendshëm në Turqi. Ai shton se nëse Erdogan kërkon të shfuqizojë traktatin e Lozanës, “atëherë duhet të kthehemi tek traktati i Sèvres”.
