Gjermania pritet që të ketë një mungesë vaksinash anti-COVID për një periudhë 10 javore. Kjo deklaratë është bërë sot nga ministri i Shëndetësisë i Gjermanisë. Deklarata erdhi në një kohë kur qeveria u përball me kritika të reja mbi ritmin e programit të saj të vaksinimit, që duket se do të mungojnë deri në prill.
“Ne do të kemi akoma të paktën 10 javë të vështira me një mungesë vaksine”,- tha Jens Spahn në një Twitter.
Spahn tha se ai donte të ftonte kompanitë farmaceutike dhe prodhuesit e vaksinave në një takim, për t’u siguruar që Evropa të marrë pjesën e saj të duhur të vaksinave dhe për të parë se ku ishte e mundur të bëhej më shumë për të mbështetur procesin.
Ditën e sotme në Gjermani u regjistruan 17,553 raste të reja me koronavirus të enjten dhe 941 të vdekur.
