Pas vendimit të Komisionit të Garancive Statutore ka reaguar Mimoza Hafizi, deputete socialiste e Shkodrës, e cila është firmëtare e kërkesës për interpretimin e Statutit.
Mimoza Hafizi shkruan në rrjetete sociale:
“KGS i njeh shkeljet, por nuk i përmend të gjithë shkelësit. Sepse fajin, sipas KGS, për mosmbledhjen për disa vite rresht të Kryesisë dhe Asamblesë Kombëtare nuk e ka kryetari, që duhej t’i mblidhte sipas Statutit, por vetë anëtarët e Asamblesë, pasi sipas Statutit nuk kanë mbledhur firmat e 1/3 së tyre, pra të 75 vetëve.
Sipas KGS, një zgjidhje tjetër do të ishte të ushtrohej mocion mosbesimi, ndaj KGS thotë që në Partinë Socialiste, një organ ka legjitimitet derisa të zëvendësohet.
Afati 4 vjeçar është thjesht matematikor! KGS nuk e interpreton kërkesën tonë nëse mandati 4 vjeçar i kryetarit të PS është shkelur. Sipas këtij komisioni, ky fakt është i qartë, nuk ka nevojë për interpretim.”
