Nga SYRI TV
Ndonëse Ekonomia shqiptare gjendet në një prej pikave më të errëta të saj gjatë 3 dekadave të fundit, për shkak të pandemisë dhe keqqeverisjes, Bashkia e Tiranës hedh para për kompaninë e Klodian Zotos.
Vetëm gjatë dy javëve të fundit, Veliaj i ka dorëzuar shoqërisë “Integrated Energy BV” rreth 1.5 milionë dollarë amerikanë.
Sipas të dhënave të “spendingdata”, Bashkia e Tiranës ka kryer shtatë transaksione në drejtim të kompanisë koncensionare të administruar nga Klodian Zoto në periudhën nga 28 janari deri në 9 shkurt 2021.
Ekonomia shqiptare gjendet në një prej pikave më të errëta të saj gjatë 3 dekadave të fundit, për shkak të pandemisë dhe keqqeverisjes së “Rilindjes”.
Por, janë disa kompani, të cilat jo vetëm që nuk e kanë ndjerë krizën, por, përkundrazi, janë fuqizuar ndjeshëm.
Një ndër to është kompania koncensionare e inceneratorit të Sharrës, për të cilën ka menduar kryebashkiaku i Tiranës, Erion Veliaj që t’i shëndoshë portofolin financiar.
Vetëm gjatë dy javëve të fundit, Veliaj i ka dorëzuar shoqërisë ‘Integrated Energy BV’ mbi 150 milionë lekë të reja ose rreth 1.5 milionë dollarë amerikanë.
Sipas të dhënave të ‘spendingdata’, Bashkia e Tiranës ka kryer shtatë transaksione në drejtim të kompanisë koncensionare të administruar nga Klodian Zoto në periudhën nga 28 janari deri në 9 shkurt 2021.
Pagesat më të mëdha janë kryer në datën 8 Shkurt 2021, ndërkohë që pagesat e tjera janë kryer në harkun e dy-javorëshit të fundit.
‘Integrated Energy BV’ fitoi kontratën e koncensionit për përpunimin dhe incenerimin e mbetjeve të Tiranës në fund të vitit 2016.
Procedurat e ndjekura nga autoritetet shtetërore për këtë koncension janë kritikuar ashpër publikisht dhe prej Tetorit 2020 janë subjekt i një hetimi nga SPAK.
Gjatë 4 viteve, ‘Integrated Energy BV’ ka përfituar rreth 20 milionë dollarë nga taksat publike, ndërkohë që fitimet e saj pritet të jenë në rendin e qindra milionë dollarëve deri në përfundim të kontratës 30-vjeçare.
‘Integrated Energy BV’ është një kompani e regjistruar në Hollandë dhe është në pronësi të ‘Geo Genix BV’.
Emrat konkretë të pronarëve realë të ‘Geo Genix’ dhe, rrjedhimisht edhe të ‘Integrated Energy BV’ janë ende të panjohur.
Parlamenti Shqiptar miratoi në mesin e vitit të kaluar një parashikim ligjor, i cili detyron kompanitë që të regjistrojnë përfituesit fundorë, përfshirë edhe pronarët realë të kompanive të regjistruara në ato që quhen “parajsa fiskale”.
Detyrimi i kompanive për të shpallur pronarët përfundon në fund të muajit Shkurt 2021.
“Syri TV” konsultoi të dhënat e Qendrës Kombëtare të Regjistrit dhe rezultoi se, të paktën deri më tani, nuk janë shënuar ende përfituesit fundorë të kompanisë që zotëron kontratën koncensionare të inceneratorit të Sharrës.
Ligji parashikon gjobë deri në 500 mijë lekë të reja për kompanitë që nuk respektojnë afatin ligjor.
Po ashtu, është parashikuar dyfishimi i gjobës, pra me 1 milionë lekë të reja, në rast se vijojnë të mos i deklarojnë përfituesit fundor.
Ky penalitet duket se është i papërfillshëm për kompani si “Integrated Energy BV”, e cila përfiton vetëm në dy javë 100 fishin e vlerës së gjobës ligjore.
