Këngëtarja Amerikane Miley Cyrus është zgjuar e dëshpëruar mëngjesin e djeshëm me rezultatin në zgjedhjet presidenciale. Më herët këngëtarja ka mbështetur në garën presidenciale Hillary Clinton.
Cyrus ka publikuar një video në Facebook ku shfaqet duke qarë për humbjen e Hillary Clinton.
“Ende mendoj që në jetën e saj ajo e meritonte të ishte Presidentja e parë femër në SHBA dhe kjo më bën kaq të trishtuar. Do doja shumë që ajo ta kishte mundësinë sepse ka luftuar kaq gjatë dhe sepse e besoj kur thotë se e do vendin e saj.Ajo i ka dedikuar jetën e saj këtij vendi për ta bërë më të mirë.Ne njerëzit e lumtur duhet t’i pranojmë të gjithë për atë që janë. Kështu që Donald Trump, unë të pranoj ty.Por të lutem trajtoji njerëzit me dashuri, dhembshuri dhe respekt dhe unë do bëj të njëjtën gjë me ty”, tha ajo.
