Kryetari i Kuvendit Ilir Meta tha se arrestimi i Ramush Haradinajt ishte akt befasues dhe shokues dhe se për këtë arsye ai do t’i dërgojë homologes së tij serbe një shkresë në lidhje me këtë rast.
Gjatë vizitës që zhvilloi sot në selinë e Aleancës për Ardhmërinë e Kosovës, me përfaqësues të lartë të kësaj partie Meta u shpreh se kjo çështje do të marrë fund shumë shpejt.
Më tej Meta u shpreh se Haradinaj asnjëhëre nuk i ka ikur drejtësisë, por është përballur me dinjitet edhe përballë drejtësisë ndërkombëtare ku ka fitur dhe pafajsinë.
Gjithashtu Meta u shpreh se Haradinaj është një krenari për të gjithë Shqiptarët, një simbol i qytetarëve shqiptarë në të gjithë botën.
