Kryeministri Edi Rama ka reaguar pas takimeve të njëpasnjëshme të Presidentit Meta në Presidencë.
Përmes 2 postimeve në rrjetin social Twitter, Rama shkruan se selia e opozitës rrugore është Presidenca e Republikës.
“Selia e opozitës rrugore është Presidenca e Republikës dhe udhëheqësi i katër galaktikëve të shtabit të revolucionit imagjinar për të mbrojtur me dhunë republikën e votën e popullit nga vetë populli, është vetë ai, Salvator Haxhi Qametaj
Çfarë karnevalesh politike”, shkruan Rama në twitter.
“Qeshni me ta dhe me qetësi e dashuri t’u japim një mesazh kumbues të dielën,duke votuar ose mosvotuar,por duke qenë të gjithë bashkë në një mendje se Shqipëria s’mund të jetë kurrë, një shesh për përsheshin e gatuar tërë këta muaj, të cilin duhet ta hanë ata që na e servirën”, shkruan Rama në postimin e dytë në twitter.
