Ka dalë para komisionit Hetimor presidenti Ilir Meta për të dhënë përgjigje lidhur me vendimin e tij për ç’dekretimin e zgjedhjeve të 30 Qershorit.
Gjatë fjalës së mbajtur, Meta tha se vendimi i tij për t’u paraqitur në Komision lidhet me detyrimin e paraqitjes në çdo thirrrje të institucioneve.
Sipas kreut të shtetit Parlamenti bëri gjykimin para se të niste hetimi.
“Faleminderit, mirëdita edhe njëherë zonja dhe zotërinj deputetë, nuk do dëshiroja të mbaja ndonjë fjalim për arsye se të gjitha vendimet e mia janë publike lidhur me dekretet e datës 30 Qershor, ashtu edhe më pas dekreti imi datës 13 tetor, si datë e zgjedhjeve. Unë kam dhënë një përgjigje në emër të institucionit që drejtoj, kryetarit të kuvendit zotit Ruci.
Gjykova tepër të arsyeshme dhe të domosdoshme që të jem këtu, sepse kam bindje të plotë që cdo politikan, aq më tepër kryetari i shtetit duhet të tregojë respekt ndaj institucioneve dhe të japë shembullin e bashkëpunimit por së dyti e jam i bindur që pavarësisht se Kuvendi e ka bërë gjykimin para e të nisë hetimin, përmes rezolutës, në interes edhe të transparencës edhe të ndriçimit të cështjeve që kanë të bëjnë me vendimmarrjen për të dhënë të dhëna të tjera që mendoj se u shërbejnë të gjithëve për tu qartësuar më shumë”, tha Meta, ndërsa vendimin e tij e argumentoi me shembullin e ngjashëm të Bullgarisë, çështja e së cilës kaloi në Gjykatën e Strasburgut.
https://www.facebook.com/ilirmetazyrtar/videos/2906467769380859/
