Presidenti Ilir Meta deklaroi nga Vlora me rastin e Ditës së Flamurit se sot nuk është një ditë për të festuar.
“Duhet të angahzohemi për të shëruar sa më parë të jetë e mundur plagët e shkaktuara nga tërmeti. Të jemi sa më pranë familjeve që kanë humbur të afërmit dhe të dashurit e tyre.”, apeloi Meta.
“Nderimi më i mirë që mund ti bëjmë këtij 28 nëntori është të vijojmë të angazhohemi për të shëruar plagët e gjithë atyre familjeve që janë dëmtuar nga ky tërmet dhe të jemi sa më pranë familjeve që kanë humbur të afërmit, për të përballuar dhimbjen por edhe të shohim me besim te e ardhmja që mënyrë që të gjithë të fillojnë jetën normale.
E gjithë politika duhet të jetë gjithmonë e bashkuar për çështjet më të rëndësishme të vendit dhe të shtetit, por sot e në këto raste duhet të jetë dhe do të jetë si asnjë herë tjetër, edhe në jetën e përditshme, për të përmbushur një mision që nuk i jemi afruar ditët e fundit, sic është ai i anëtarësimit në BE.” u shpreh Meta.
