Berisha: Ky parlament duhet të shkrihet e ka humbur legjitimitetin, do të konsideroj seriozisht qëndrimin tim në këtë strofull krimi
Ish-kryeministri Berisha ka deklaruar sot se kuvendi aktual duhet të shkrihet pasi e ka humbur legjitimitetin. Në një deklaratë për mediat, Berisha tha se opozita do të vazhdojë të bëjë luftën e saj politike në parlament kundër kriminalizimit të këtij institucioni. Por Berisha ka përjashtuar skenarin e Prishtinës ku hidhet her pas here gaz lotsjellës në parlament.
“Do konsideroj seriozisht qëndrimin tim në këtë strofull krimi. Do të shoh qëndrimin tim ndaj këtij parlamenti që ka në themel hajdutët e shtetit. A jeni dëshmitarë se si Olsi Rama del protagonist në vjedhjen e shtetit në disa afera. Parlamenti ka kaluar afatin e tij. Nuk meriton të ekzistojë asnjë ditë. Unë flas si Sali Berisha, natyrisht grupi i PD merr vendimet e veta. Kjo situatë është e padurueshme. Deputetët po e përdorin mandatin për të vjedhur. Por ne nuk dorëzohemi përballë kësaj mazhorance. Opozita ka 100 mënyra për t’u përballur me këtë organizatë kriminale që është në qeveri dhe në parlament. Skenari i opozitës është lufta pa kompromis kundër krimit në parlament dhe në qeveri”, tha Berisha.
Opozita kishte paralajmëruar një ditë më parë, bllokimin e parlamentit në shënje proteste kundër kthimit në Kuvend të deputetit të akuzuar për plagosje me armë, Armandoi Prenga. Ky i fudnit deklaroi dje tërheqjen nga punimet e kuvendit, por opozita nuk e ka ndryshuar vendimine saj për të zhvilluar sot një betejë të ashpër kundër mazhorancës në Kuvend.
Kryetari i Kuvendit Ilir Meta ka ndërprerë seancën pasi grupi parlamentar i Partisë Demokratike ka kërkuar pak minuta kohë për një mbledhje
