Juristi Romeo Kara ka reaguar në lidhje me mbarimin e mandatit të Ilir Metës si president si dhe ka aluduar se çfarë mund ta pres atë më pas. Ai ka ndarë në rrjetet sociale një reagim të 5 viteve më parë, kohë kur Ilir Meta mori postin e Presidentit të vendit. Teksa sot pritet që Meta të largohet nga presidenca, juristi paralajmëron se përballja me të kaluarën do të kthehet dhe ky do të jetë halli më i madh i tij. Sipas tij tashmë karma do të veprojë ndaj Metës dhe kjo do të jetë e pashmangshme.
“Pese vite me pare postova këtë shkrim, pikërisht ditën e ceremonisë se inaugurimit të Likes president, dhe sot fatkeqësisht për ne, Likja nuk me zhgënjeu, duke e zhbërë deri në fund postin e larte të Presidentit te Republikës. Nga sot, era djallëzore e squfurit të Likes largohet nga presidenca, duke iu kthyer besoj normalitetit dhe popullit te cilit i takon, ndërsa Likja gjendet ne te njëjtin hall si përpara pese vitesh. Karma, përballja me të kaluarën, do te jete halli me i madh i Likes. Sot do të vesh të njëjtin kostum, që pata ndërmend te vesh para pese vitesh për inaugurimin e tij, por, me një tjetër gëzim, atë te shporrjes se Likes nga presidenca. Edhe muret e saj, do të shfryjnë e bëjnë shyqyr, që një i paudhe si ai, do te largohet prej saj”, shkruan Romeo Kara.
Romeo shprehet se në të njëjtën linjë do të ecin edhe bashkëpunëtorët e Metës.
