“Lidhur me dekretet për dy emërimet në qeveri, ne kemi nevojë për klimë bashkëpunuese në respekt të Kushtetutës”
“Jo gjithmonë jam në pajtueshmëri të plotë me ata që tek çdo impuls shikojnë ndonjë ndryshim të ndonjë ministri, zvministri apo drejtori” kjo fjali e kryetarit të Kuvendit, Ilir Meta, flet qartë për mosmarrëveshje mes tij dhe kryeministri Rama për ndryshimet e fundit në qeveri.
Me sa duket, Ilir Meta nuk është aq dakord me emërimin e Arben Ahmetajt në postin e ministrit të Financave, në vënd të Shkëlqim Canit, të cilin Rama e shkarkoi. Me fjalinë e thënë sot para mediave, Meta lë të kuptohet se nuk është dakord as me emërimin e zëvënëdësministres Milva Ekonomi në ministrinë e Ekonomisë. Kur kërkon impulse të reja, Meta duket se kërkon emra të rinj në qeverinë Rama dhe jo qarkullim të atyre që janë në kabinet qeveritar. Kundërshtitë e Metës duket se do të sjellin një krizë tjetër brenda mazhorancës, duke iu shtuar edhe “hallit” tjetër , atë të mosdekretimit të ministrave të rinj nga ana e presidentit Nishani. Për këtë të fundit, Meta tha: “Lidhur me dekretet për dy emërimet në qeveri, ne kemi nevojë për klimë bashkëpunuese në respekt të Kushtetutës. Gjithçka do të ecë sipas parashimeve të Kushtetutës, kështu që nuk kam pse të jem i shqetësuar. Duhe të ritheksoj durimin dhe besimin se fryma bashkëpunuese mes institucioneve do të prevalojë mbi thellimin e mosbesimit të panevojshëm”.
Kryetari i LSI-së përsëriti edhe kritikat për koncesionet duke ritheksuar rëndësinë e nismës së deputetëve të LSI-së. Meta dhe se LSI mbështet të gjitha Partenritetet Publike Private që sjellin investime dhe që janë transparente. “LSI mbështet të gjitha format e PPP që sjellin investime. Është një debat për efektivitetin e tyre, por ky nuk është një debat i sotmë, është një debat i hershëm. Ne besojme se pavarësisht nga qëllimet spekulative që nxisin një pjesë të debatit është e rëndësishme të ecet drejt thellimit të transaprencës dhe të një përfshirje më të madhe të Kuvendit kur bëhet fjalë për investime apo për koncesione që e kalojnë mandatin e një qeverie”, tha Meta.
