Presidenti, Ilir Meta i është përgjigjur deklaratës së Partisë Demokratike me anë të një postimi në Facebook. Me anë të një postimi në rrjetin social ‘Facebook’, Meta thekson se zhvillimet e 8 janarit sollën edhe ndonjë shembull pozitiv, që bën thirrje për reflektim, duke shtuar me ironi se sollën dorëheqjen e rojës së selisë së PD.
“Zhvillimet e 8 janarit 2022 sollën edhe ndonjë shembull pozitiv, që bën thirrje për reflektim, siç është dorëheqja e rojës të selisë së PD-së, për të mos qenë dëshmitar i dhunës. Uroj, që të gjithë të ngrihen në nivelin e përgjegjshmërisë së tij!” – shkruan Meta në Facebook.
Kujtojmë se konferenca e ditës së sotme, Meta e ka përsëritur disa herë dorëheqjen e rojës së PD-së, ku në media u lexua si mesazh të koduar për kreun e opozitës Lulzim Basha. Pas kësaj, Partia Demokratike i është përgjigjur me anë të një videoje, ku e cilësonte Metën si bashkëorganizator në protestën e 8 janarit dhe i bëri thirrje që të qëndrojë larg selisë blu.
