Presidenti i Republikës, Ilir Meta, ka ftuar kreun e opozitës së bashkuar, Lulzim Basha, dhe të gjithë kryetarët e partive të opozitës jashtëparlamentare, në një takim urgjent.
Nisur nga situata ku ndodhet vendi, Meta i kërkon Bashës dhe gjithë opozitës jo parlamentare të shkojë në takim brenda datës 20 nëntor 2019.
“Nisur nga situata dramatike, në të cilën ndodhet vendi dhe pasojat e saj të papranueshme, ju ftoj juve dhe të gjithë kryetarët e Partive të Opozitës së Bashkuar në një takim, në një kohë sa më të shpejt, mundësisht përpara ditës së mërkurë, datë 20.11.2019”, thuhet në ftesë.
Letra e Presidentit i është drejtuar Kreut të PD-së Lulzim Basha dhe për dijeni, kryetares së LSI-së, Monika Kryemadhi, Shpëtim Idrizit të PDIU-së, Fatmir Mediu, kryetari të PAA-së, Agron Duka, kryetarit të PBDNJ-së, Vangjel Dule, kryetarit të PDK-së, Nard Ndoka, kreut të LZHK-së, Dashamir Shehi, dhe Shpëtim Axhamit të Legalitetit.
