Kryetari i LSI-së Ilir Meta, e sfidoi kryeministrin Rama, aleatin e tij në koalicionin qeveritar, duke deklaruar që LSI largohet qysh sot nga koalicioni, nëse Rama i gjen 71 votat për të qeverisur vendin.
Kreu i LSI-së theksoi se LSI vazhdon të qëndrojë në koalicion për hir të ecurisë së reformave, për të mos shkaktuar cënimin e integritetit të vendit që do të thotë dhe një konfirmim zyrtar se koalicioni PS-LSI ka përfunduar bashkëpunimin.
“Ne nuk mund të marrim asnjëherë përgjegjësitë që për një debat të filluar të çojmë vendin në një vakum qeverisje që mund të cënojnë reformat dhe integritetin e vendit. LSI nuk do të jetë kurrë shtojcë e asnjë partie politike që i ka votat e nevojshme për të qeverisur”, tha Meta.
