Deputetja e PDIU mbështet idenë e Albin Kurtit për bashkim Kosovë Shqipëri
Mesila Doda, deputete e Partisë për Drejtësi, Integrim dhe Unitet, e mbështet idenë e hedhur nga Albin Kurti për bashkim të trojeve të Shqipërisë e Kosovës në një të vetëm. Sipas saj, duhet një shtet i përbashkët për shqiptarët, i quajtur Shqipëri. Në reagimin e saj Doda deklaron: “Me Albin Kurtin nuk jam dakord në shumë gjëra, por di që te gjitha tejkalohen kur ke një frymëzim dhe vizion të përbashkët për të ardhmen e kombit. Krejt dakord me ty Albin: Duhet një shtet i përbashkët për shqiptaret, i quajtur Shqipëri. Është vetmja mundësi që shqiptarët të forcohen ekonomikisht, politikisht e ti mbijetojnë sfidave të kohës me krijimin e shtetit-komb shqiptar. Vizioni i këtij shekulli, bashkimi i trojeve shqiptare”.
