Nën siglën, “Partia demokratike – Aleanca për ndryshim”, sekretarja e përgjithshme e PDIU, njëherësh edhe kandidatja për deputete në qarkun e Tiranës, Mesila Doda ka publikuar spotin e ri elektoral.
Në nisje të spotit elektoral, Doda ka sjellë në kujtesë grevën studentore të vitit 1991 e cila u finalizua me shembjen e bustit të diktatorit Enver Hoxha.
“Nga këtu nis rrugëtimi im politik, pjesë e të cilës brezi im u shenjuan si kundërshtarë diktaturës, arrogancës dhe kundër padrejtësive sociale. Jam ende këtu sepse besoj se kemi ende një mision për ta përmbushur, Shqipëria një vend normal, Shqipëria një vend i pa vjedhur, ku funksionojnë institucionet dhe demokracia funksionon. Nëse dhe ti mendon se ky vend ka nevojë për ndryshim, voto Partinë Demokratike dhe Aleancën për Ndryshim numrin-9. Unë jam Mesila Doda numri 12 në këtë listë”.
Videon e këtij spoti e gjeni në vijim:
