Pamjet e mëposhtme i përkasin familjes Ferraj me 8 anëtarë në fshatin Brataj të Selenicës, e cila u përball me një fatkeqësi ditën e djeshme. Bëhet me dije se 38-vjeçari me emrin Vitrin Çobaj hyri në banesën e tyre gjoja për të blerë një viç.
Gjatë kohës që ky shtetas ka qëndruar në banesë dyshohet se ka ngacmuar seksualisht shtetasen Y. F. dhe tre vajzat e saj të mitura, si dhe u ka vjedhur me dhunë shumën prej 36.900 lekësh.
Siç shihet dhe nga pamjet e mëposhtme, familja Ferraj jeton në skamje dhe në varfëri totale.
Kujtojmë se Vitrin Çobaj, 38 vjeçar është arrestuar nga policia ndërsa rezulton me precedent të mëparshëm në fushën e vjedhjes.
Ngjarja e rëndë ka ndodhur ditën e djeshme në orët e para të mëngjesit, në vendin e quajtur “Koria e Rigonit”, në fshatin Brataj.
