Edhe Gjermania mbështet ndërhyrjen ushtarake në Siri të SHBA, Britanisë dhe Francës kundër përdorimit të armëve kimike ndaj civilëve.
Kancelaja Merkel thotë se Rusia ka penguar një hetim të pavarur të asaj që ndodhi me armët kimike.
Ajo shton se 100 vjet pas përfundimit të Luftës së Parë Botërore, të gjithë renditen kundër atyre që shkelin Konventën për Armët Kimike dhe “Gjermania do të mbështesë me vendosmëri të gjithë veprimtarinë diplomatike në këtë drejtim”.
“Operacioni ushtarak ishte i nevojshëm dhe i përshtatshëm për të ruajtur efektivitetin e ndalimit ndërkombëtar për përdorimin e armëve kimike dhe për të paralajmëruar regjimin sirian për shkelje të mëtejshme”, tha Merkel.
