Dani Alves pas zgjidhjes së kontratës me Juventusin po përgatitet për një ndryshim të destinacionit të tij, për të kaluar te Paris Saint Germain.
Lajmi bëhet publik nga e përditshmja franceze “L’Equipe”, sipas së cilës klubi francez bëri hapa gjigantë në tentativën për të siguruar shërbimet e 34-vjeçarit, për t’i shkaktuar kështu një zhgënjim të madh ish-trajnerit të brazilianit, Pep Guardiola.
Por “L’Equipe” flet edhe për çështjen “Verratti”, duke theksuar se gjithçka mbetet e hapur për transferimin e tij te Barcelona.
Sipas kësaj të përditshmeje, strategjitë mes palëve kanë ndryshuar dhe Verratti në fund do të arrijë të veshë fanellën e klubit katalanas, pasi ky i fundit të ketë paguar 80 milionë euro.
