Njohësi i gjeopolitikave në Gadishullin e Ballkanit, historiani Arben Llalla këto ditë ka publikuar disa foto shumë domethënëse në lidhje me kontributin e mercenarëve grekë në luftrat e Jugosllavisë.
Ai nëpërmjet këtyre dokumentave autentike tregon se mercenarët grekë kanë marrë pjesë në genocidin e Srebrenicës në vitin 1995 kundër popullsisë myslimane të atjeshme.
Në një foto të tyre me udhëheqësin serb Radovan Karaxhiç dallohet qartë flamuri i Republikës së Greqisë. Karaxhiç u dënua nga Gjykata e Krimeve të Luftës në Hagë, kurse këta grekë ende jo.
Po kështu në një tjetër foto gjenerali serb i Bosnjës, Ratko Mlladiç paraqitet me uniformë të ushtrisë greke pas genocidit në Srebrenicë, më 1995. Ai bashkë me mercenarët grekë festojnë për këtë spastrim etnik. Dallohen qartë shenjat e ushtrisë së Republikës së Greqisë në veshjen e famëkeqit Mlladiç.
Rreth 100 grekë morën pjesë në gjenocidin e Srebrenicës më 1995, kundër popullsisë myslimane, por askush nga ata nuk u dënua për këtë genocid. Në këtë foto të fundit janë disa mercenarë grekë në vitin 1995, Srebrenicës.
