Mediat nuk u lejuan të ishin të pranishme në takimin që kreu i qeverisë ka zhvilluar me studentë dhe pedagogë të Fakultetit të Gjeologjisë dhe Minierave. Takimi ka zgjatur rreth dy orë dhe në përfundim të tij Rama ka “raportuar” në rrjetet sociale çfarë ka ndodhur.
“Faleminderit për mikpritjen grupit të studentëve dhe pedagogëve të Gjeologjikut,me të cilët patëm një bashkëbisedim të dobishëm për Dialogun(e në fakt zhvilluam vetë Dialogun)
Mësova gjëra të reja prej tyre, mbase edhe ata e kuptuan mirë se ku e kam hallin unë
Nesër vazhdojmë”, ka shkruar Rama.
Ndërkohë më herët, Unioni Studentor i Gjeologjisë dhe Minierave, bënte me dije se asnjë student nuk ka marrë pjesë me pëlqimin e tyre në këtë mbledhje turpshme në ambientet e këtij fakulteti.
