Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Mediat italiane: Lirohet kushëriri i ish-ministrit, zhyti në krizë qeverinë e Ramës

Nga 27.al 0

Pas skandalit të përgjimeve, mediat italiane kanë raportuar lajmin e lirimit të Moisi Habilaj, kushëririt të ish-ministrit të Brendshëm shqiptar Saimir Tahiri, i cili  ka lënë sot qelinë e burgut.

Raportohet se Habilaj nuk do të kthehet në Shqipëri, “arrestin shtëpiak” do e kryejë në Itali, në San Michele di Ganzaria ku jeton një anëtar i familjes se tij.

MeridioNews, ka raportuar se Habilaj ishte dënuar me 15 vite burg dhe ishte konsideruar kreu i një grupi të specializuar në importin e drogës dhe armëve nga Shqipëria.

“Pas tij, një histori ndërkombëtare spiunazhi që futi në krizë qeverinë e Edi Ramës,” shkruan gazeta.

Habilaj do të kalojë në arrest shtëpiak pas 954 ditësh në qeli. Ai u arrestua më 17 tetor të vitit 2017. Ai nuk do kthehet në Shqipëri, por do jetojë te vëllai. Mësohet se ai nuk duhet të ketë asnjë kontakt me persona të tjerë, por vetëm me ata me të cilët jeton.

“Pas arrestimit në vitin 2017, një krizë politike shpërtheu në Shqipëri, që lëkundi qeverinë e kryeministrit Edi Rama. Ish-njeriu i tij i fortë, ish-ministri nga viti 2013 deri në vitin 2017, Saimir Tahiri, përfundoi në bankën e të akuzuarve nën hetim nga Prokuroria e Krimeve të Rënda në Tiranë. Gjykatësi e dënoi me 3 vite burg për abuzim me detyrën përballë 12 viteve të kërkuara për implikim në trafik droge. Tahiri u hetua edhe nga prokuroria e Katanias, por dosja u arkivua”.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej