“Në një situatë rrethimi, Himara është në rrezik, sepse qeveria Rama po vazhdon me prishjen e pasurisë së patundshme, pavarësisht vendimit të fundit të Gjykatës Administrative të Vlorës, e cila ngrin planin për rizhvillimin e qytetit.”
“Grekët, duke mbajtur flamuj grekë në duart e tyre, përpiqen të ndalojnë procesin në mëngjes.” Klima vazhdon të jetë e tensionuar, sipas informatave, të Ambasadës Greke në Tiranë”, thonë mediat greke.
Ndërsa zëdhënësi i Qeverisë greke, Dhimitris Tzxanakopoulos në një intervistë për mediat ka thënë se “Ndjekim me shumë vëmendje ngjarjet në Himarë dhe qeveria greke po punon për mbrojtjen si të minoritareve ashtu dhe të të drejtave të pronës të minoritetit grek në Shqipëri.
Iniciativat që ka marrë Ministria e Jashtme greke për mbrojtjen e këtyre të drejtave mbi pronën të minoritareve janë të qëndrueshme dhe të vazhdueshme”
Disa prej mediave greke thonë se prishja e ndërtesave në Himarë është një përpjekje e organizuar e kryeministrit të vendit, Edi Rama, për të tërhequr vëmendjen nga skandali i madh i narkotrafikantëve që përfshin emrin e ish ministrit të brendshëm të Shqipërisë.
“Ne i bëjmë thirrje qeverisë shqiptare që të ndërpresë menjëherë çdo veprim kundër të drejtave të pjesëtarëve të pakicës etnike greke që jetojnë në Himarë,” tha Ministri i Jashtëm i Demokracisë së Re, George Koumoutsakos.
Koumoutsakos shtoi: “Në të njëjtën kohë, i bëjmë thirrje qeverisë greke që të vazhdojë drejtpërdrejt në reagime efektive, në këtë kohë, si në nivel dypalësh ashtu edhe në atë evropian për të mbrojtur grekët e Himarës.
Kuptohet që këto duhet të bëhen para fillimit të bisedimeve të “paketës” greko-shqiptare, të cilat tashmë janë shpallur nga Ministria e Jashtme.”
/shqiptarja.com/
