Mediat britanike i kanë bërë jehonë reagimit të kryeministrit Edi Rama në lidhje me deklaratën e tij për emigrantët shqiptarë. Media të ndryshme brianike si SkyNews, The Guardian, Euroneës si dhe BBC shkruajnë se kryeministri Edi Rama ka akuzuar qeverinë britanike për paaftësinë e saj për të ndërmarr kontrollin e kufijve. Po ashtu mediat shkruajnë se shpërthimi i Ramës në Tëitter, vjen dy ditë pasi pasi ministrja e Brendshme britanike ndezi bujë me deklaratën e saj për emigrantët shqiptarë.
“Britanisë së Madhe i është thënë që të mos fajësojë shqiptarët për krizën e emigrantëve nga kryeministri i vendit. Edi Rama tha se qeveria britanike duhet të ndalojë përdorimin e emigrantëve shqiptarë për të “justifikuar dështimet e politikave”. Sekretarja e Brendshme, Suella Braverman, ka veçuar disa herë shqiptarët gjatë javës së kaluar, teksa shifrat që vijnë nga vendi i Evropës Jugore me varka të vogla përgjatë Kanalit janë rritur shumë. Duke iu përgjigjur pyetjeve në lidhje me qendrën e mbipopulluar të përpunimit të emigrantëve Manston të martën, ajo tha se shumica e shqiptarëve që mbërrijnë janë meshkuj të rritur beqarë. Ministri i Emigracionit Robert Jenrick tha se shqiptarët po “abuzojnë” Aktin e Skllavërisë Moderne për të vonuar përpjekjet për dëbim. Craig Mackinlay, deputeti konservator për South Thanet në Kent, tha se 12,000 emigrantë shqiptarë kanë mbërritur me varka të vogla në MB deri më tani këtë vit,” shkruan Sky Neës.
“Kryeministri shqiptar ka akuzuar qeverinë e Rishi Sunak për përdorimin e qytetarëve të vendit të tij si koka turku për politikat e dështuara të imigracionit pas komenteve kritike të Suella Braverman për azilkërkuesit shqiptarë. Edi Rama shkroi se Britania e Madhe po synonte në mënyrë të rreme shqiptarët “si shkaku i krimit të Britanisë dhe problemeve kufitare”. Në një seri postimesh në Tëitter, ai i bëri thirrje Mbretërisë së Bashkuar që “të luftojë bandat e krimit të të gjitha kombësive dhe të ndalojë diskriminimin [kundër] shqiptarëve”. Ndërhyrja e tij mund të sjellë telashe për qeverinë e Mbretërisë së Bashkuar, e cila po përpiqet të përmirësojë marrëdhëniet me Shqipërinë, ndërsa kërkon të kthejë mijëra njerëz që kanë mbërritur së fundmi me varka të vogla. Robert Jenrick, ministri i imigracionit, do të vizitojë Tiranën brenda javësh për të diskutuar kthimin e disa azilkërkuesve. Ai vjen pas një sërë komentesh nga ministrat dhe zyrtarët e Mbretërisë së Bashkuar që pretendonin se shqiptarët qëndronin pas një stuhie të fundit të mbërritjeve me varka të vogla përgjatë Kanalit dhe se shumë prej tyre ishin të përfshirë ose viktima të krimit të organizuar,” shkruan The Guardian.
“Kryeministri shqiptar Edi Rama ka akuzuar Britaninë e Madhe se po i bën shtetasit e vendit të tij koka turku për krimin e Britanisë dhe problemet kufitare. Rama vazhdoi të paralajmëronte Britaninë e Madhe për “një retorikë krimi”, duke thënë se vendi i tij ishte i gatshëm të bashkëpunonte me Britaninë për sa kohë që bazohej në “fakte” dhe “respekt të ndërsjellë”. Kryeministri nuk përmendi askënd me emër, por shpërthimi i tij vjen dy ditë pasi ministri i Brendshëm britanik ndezi bujë duke iu referuar në parlament ndalimin e pushtimit në bregdetin tonë jugor,” shkruan Euroneës.
“Britania e Madhe duhet të ndalojë diskriminimin ndaj shqiptarëve për të justifikuar “dështimet e politikave”, ka thënë kryeministri i vendit. Edi Rama tha se “retorika” duke fajësuar qytetarët e tij për krimin e Britanisë së Madhe dhe problemet e kufirit injoroi faktet. Shqiptarët tani përbëjnë grupin më të madh të atyre që kalojnë Kanalin me varka të vogla, pas një rritje të madhe të mbërritjeve në dy vitet e fundit,” shkruan BBC.
