Me të nisur funksionimi i e-Albania, në kryeqytet raportohet se më shumë se 50 mijë qytetarë kanë aplikuar për lejen, duke e bërë Tiranën në këto orë të mëngjesit të duket si të ishte një ditë e zakonshme.
Në rrugë ka lëvizje të shtuar njerëzish, që jo vetëm dalin për pazar, por edhe për punë si dhe automjete si të ishte një mëngjes normal.
Drejtori i Përgjithshëm i Policisë së Shtetit, Ardi Veliu ka zhvilluar një ditë më parë një mbledhje me vartësit e tij, ku iu ka dhënë porosi të qarta për të monitoruar lëvizjet e qytetarëve.
Ardi Veliu ka porositur vartësit të mos tolerojnë asnjë qytetar që shkel rregullat si dhe të monitorojnë Tiranën, me patrulla, por edhe në këmbë.
