Super ylli portugez dhe pa asnjë dyshim sportisti më i mirë në botë, Cristiano Ronaldo dhe modelja ruse Irina Shayk u ndanë në vitin 2015, pasi raportet sugjeruan se futbollisti tradhtoi partneren e tij. Raportime të tjera bëjnë me dije se çifti kishte humbur harmoninë, pasi modelja nuk shkonte mirë me nënën e yllit portugez.
Duke folur për revistën spanjolle Hola në vitin 2015, Shayk la të kuptohej se Ronaldo e kishte tradhtuar dhe ajo po kërkonte një partner besnik. Në atë kohë Shayk deklaroi:
“Sigurisht që preferoj të jem me dikë, por me dikë të duhur. Është shumë e thjeshtë. Duhet të jesh besnik ndaj gjysmës tjetër dhe të mos kesh sekrete. Ky është rregulli im. Ai duhet të jetë i sjellshëm, argëtues, i sinqertë dhe të dijë si të trajtojë një grua. Dhe ai gjithashtu duhet të jetë besnik.”
Rusja gjithashtu shtoi: “Mashkulli im ideal është besnik, i ndershëm dhe një zotëri që di si t’i trajtojë gratë. Unë nuk besoj te burrat, që na bëjnë të ndihemi të pakënaqur, sepse ata janë djem dhe jo burra. Mendova se dikur kisha gjetur mashkullin ideal, por nuk doli kështu. Mendoj se një grua ndihet e shëmtuar, kur ka mashkullin e gabuar në krah. Unë jam ndjerë e shëmtuar dhe e pasigurt.”
Shayk vazhdoi: “Marrëdhëniet janë të vështira, kështu që duhet të dini se çfarë tipi mashkulli doni në krah dhe cilat janë vlerat e tij, çfarë është e rëndësishme në jetën e tij. Nëse qëndroni me dikë, kjo është sepse po ecni në të njëjtin drejtim dhe të dy kërkojnë të njëjtën gjë. Të dy duhet të ndajnë të njëjtin koncept për atë se çfarë do të thotë një marrëdhënie dhe të njëjtën energji për të besuar në një marrëdhënie monogame.”
Irina Shayk dhe Crisitano Ronaldo kanë vazhduar përpara me jetët e tyre
Irina Shayk filloi të takohej me aktorin e famshëm Bradley Cooper menjëherë pas ndarjes së saj me Cristiano Ronaldon. Ata patën një vajzë, Lea, dy vjet më vonë, por u ndanë në vitin 2019.
Ronaldo ka qenë me Georgina Rodriguez vitet e fundit dhe çifti ka dy fëmijë. Atyre iu desh të përballeshin edhe me një tragjedi këtë vit, pasi një nga binjakët e tyre ndërroi jetë gjatë lindjes.
The post “Më ka bërë të ndjehem e shëmtuar”/ Modeles nuk i del inati me CR7-ën appeared first on 27.
