Sonte në orën 22:00 fillon mbyllja e vendit, deri në orën 06:00 të ditës së nesërme.
Policia e Shtetit ka bërë një njoftim për qytetarët, teksa i rikujton se duhet të respektojnë masat e ndërmarra nga Ministria e Shëndetësisë.
Në njoftimin e publikuar, thuhet se do të ngrihen kontrolle të rrepta në pika kyçe të vendit dhe çdo qytetar që nuk respekton orarin kufizues, do të ndëshkohet me gjobë.
Policia e Shtetit:
Në zbatim të dy urdhrave të fundit të Ministrisë së Shëndetësisë, për shtimin e masave kufizuese, me qëllim parandalimin e përhapjes së COVID-19, Policia e Shtetit ka marrë një sërë masash shtesë për monitorimin e zbatimit të masave kufizuese.
Strukturat e Policisë së Shtetit në të gjithë vendin, në vijim të angazhimit maksimal të treguar gjatë gjithë periudhës së pandemisë, do të ushtrojnë kontrolle të rrepta në bare, restorante, lokale nate dhe ambienteve të ndryshme, do të ngrihen pika kontrolli pas orës 22:00 në të gjitha akset rrugore, si dhe do të ketë prezencë të shtuar të Patrullave të Përgjithshme dhe të Policisë Kriminale, në të gjithë territorin e vendit.
Policia e Shtetit apelon për të gjithë qytetarët, pronarët e lokaleve dhe drejtuesit e mjeteve që të zbatojnë me rigorozitet masat si më poshtë:
Duke filluar nga dita e sotme, ndalohet lëvizja e lirë e qytetarëve nga ora 22:00 deri në orën 06:00;
