Nënkryetari i LSI Petrit Vasili ka reaguar lidhur me mbrojtjen e pesë anëtarëve të Komisionit Qendror të Zgjedhjeve iu është vendosur truprojë nga Njësia Speciale e Policisë.
Përmes një postimi në facebook, Vasili shkruan se e kanë kot fare këta të KQZ që bëhen gazi i botës me bodyguardë nga prapa.
Postimi i plotë
Anetarët e rilindjes në KQZ kanë tani nga pas bodyguardë,që jua ka vënë qeveria.
Këta anëtarë janë thjesht puçistë, që kanë shkelur kushtetutën dhe ligjin duke refuzuar dekretin e presidentit.
Kërcënimi i vetëm këtyre anetareve të KQZ, ju vjen nga ligji, të cilin e kanë shkelur dhe dhunuar në emër të rilindjes dhe me urdhër të saj.
A i mbrojnë dot bodyguardet këta anëtarë të KQZ nga përgjegjësia shumë e rëndë e shkeljes së ligjit?
A vlejnë pistoletat dhe muskujt e bodyguardëve për ti mbrojtur këta anëtarë të KQZ nga dita shumë e afërt e gjykimit për dhunimin, që ata i bënë ligjit.
E kanë kot fare këta të KQZ që bëhen gazi i botës me bodyguardë nga prapa.
Gjithshka kanë bërë e bëjnë në mënyrë skandaloze, duke shkelur ligjin për hesap të rilindjes dhe kundër popullit është mbajtur shënim dhe përgjegjësia e secilit përpara ligjit është e do të jetë individuale dhe e pashmagshme…!!
