Teksa situate në Partinë Demokratike ka prekur fundit, vëmendja aktualisht është tek mbledhja e Kuvendit Kombëtar.
Ish-kryeministri Sali Berisha ka njoftuar se Kuvendi do të mblidhet më 11 Dhjetor.
Pikërisht për të mësuar rreth procesti të mbledhjes së firmave, dhe sa ligjore është kjo, kreu aktual i PD Lulzim Basha ka thirrur në një takim Edi Palokën, kreun e këshillit kombëtar të PD.
Ky i fundit i pyetur nga Fax News ka thënë se ka pranuar kafen me Bashën, por ka preferuar që të mos e konfirmojë temën e diskutimit. Ai në njëfarë mënyre as i ka pohuar, dhe as i ka mohuar zërat që kanë qarkulluar në media, që Basha ka pasur interes për procesin e mbledhjes së firmave.
“Po është e vërtetë që më ka kërkuar që të takohemi, nuk ka asnjë sekret, se kanë qenë dhe gazetarët aty. Se çfarë është biseduar nuk e kam bërë publike, dhe nuk ia kam thënë as ndonjë gazetari privatisht”, ka thënë Paloka.
