Pas trazirave që shoqëruan mbledhjen e mëparshme të Këshillit Bashkiak të Himarës, kësaj here do të zhvillohet nën mbrojtjen e Forcave të Ndërhyrjes së Shpejtë.
Mbledhja e 25 gushtit e këshillit u ndërpre nga kreu i PBDNJ-së, Fredi Beleri dhe biznesmeni Nikollaq Neranxi, të cilët kanë hyrë me forcë në ambientet ku po zhvillohej mbledhja.
Në mbledhje do të diskutohej plani i ri rregullues i qytetit të Himarë, ku nga plani rregullues, preken pronat e 50-60 personave. Përfshirja e biznesmenit në këtë incident ka ardhur pasi edhe ai vet si dhe të afërm të tij zotërojnë disa nga pronat të cilat preken nga plani rregullues.
Sot pritet që plani rregullues i qytetit të Himarës të votohet nga Këshilli Bashkiak.
