Mbi 3 orë vonesë për vendimin, ja tre gjyqtarët që do të vendosin për fatin e Saimir Tahirit

Kanë kaluar më shumë se 3 orë dhe Gjykata e Krimeve të Rënda nuk e ka dhënë ende vendimin për ish-ministrin e Brendshëm, Saimir Tahiri.
Fati i Tahirit do të vendoset sot nga një trupë prej tre gjyqtarësh që përbehet nga Flora Hajredinaj, Ardit Mustafaj dhe Irena Gjoka.
Hajredinaj është kryesuesja e trupës, e cila ka në shqyrtim e he dosjen ndaj Klement Balilit.
Kjo gjyqtare ka shqyrtuar gjithashtu edhe çështjen e ngritur ndaj Dritan Zaganit, për të cilin ka dhënë masën e sigurisë “arrest me burg në mungesë”.
Irena Gjoka, është gjyqtarja tjetër e treshes që po shqyrton rastin Tahiri.
Ajo është e njohur për dënimin e përjetshëm të dhënë ndaj Dritan Dajtin, autorit të vrasjes së 4 policëve në vitin 2009.
Ndërkohë Ardit Mustafaj, sikurse Hajredian, është pjesë dhe trupës që po shqyrton çështjen ndaj Klement Balilit.
Ky gjyqtar ka marrë pjesë në vendimmarrjen, ku iu dha liria Arben Frrokut, i cili akuzohej për vrasjen e komisar Dritan Lamaj.
Ndaj Ardit Mustafaj ka patur dhe një rast të kërcënimit me jetë, nëpërmjet një letre që iu hodh në banesën e tij në vitin 2012.