Personi që shihni në foto është Gazmend Bullari, shoferi i kryetarit të bashkisë së Divjakës Fredi Kokoneshi, i cili mbeti i plagosur me thikë mëngjesin e sotëm. Bullari ka ndërhyrë në konflikt duke mbetur dhe vetë i plagosur. Aktualisht të dy ndodhën jashtë rrezikut për jetën në Spitalin e Lushnjës.
Kryebashkiaku i Divjakës Fredi Kokoneshi u plagos me thikë mëngjesin e sotëm nga Ergest Xhelili, ish-punonjës i bashkisë Divjakë në sektorin e Teknologjisë dhe Informacionit (IT), i cili është vënë në pranga nga policia.
Xhelili pretendoi se krybashkiaku ka udhëruar lëvizjen nga vendi i punës të gruas së tij e cila punonte në spitalin e Divjakës, ndërsa gjithashtu mes të dyve ka pasur një konflikt pronësie.
Lexo edhe: Sot u plagos me thikë, 4 muaj më parë Kokoneshi u sulmua nga nipi i deputetit të PS
Sherri ka agravuar dhe i riu ka qëlluar me thikë kryebashkiakun, duke plagosur edhe shoferin e Kokoneshit, Gazmend Bullari që ka ndërhyrë për t’i ndarë.
