Një 32-vjeçar në Vlorë është vënë ën pranga ditën e sotme. Bëhet me dije se i riu është vënë në pranga pasi gjatë një kontrolli në banesë policia i gjeti 3 armë zjarri (2 kallashnikovë dhe 1 pistoletë), municion luftarak dhe 4 kg lëndë të dyshuar narkotike cannabis sativa.
Si rezultat i këtij operacioni u arrestua në flagrancë shtetasi J. Sh., 32 vjeç, banues në lagjen “Uji i Ftohtë”, Vlorë. Shërbimet e Policisë, gjatë kontrollit të ushtruar në banesën e këtij shtetasi, kanë gjetur dhe sekuestruar në cilësinë e provës materiale të gjitha materialet e mësipërme, ndërsa dyshojnë se i riu është pjesë e një grupi trafikantësh. Gjithsesi, ai tashmë po merret në pyetje për të zbardhur më shumë detaje rreth lidhjeve të tij.
